قالت لي نسمه الحقي احمد عمل حادث!! كيف ومتين لقيت روحي جاريه بس ما عارفه ماشه وين وندى جاريه وراي بالتوب وصلت جمب الظلط بتاعنا لقيت الناس متلمين وسامعه صوت كوراك رجليني بقت ما شايلاني حاسه اني في حلم ندى لبستني التوب مشيت تجاه الناس وكرعيني حاساهم تقال وصلت سامعه الناس يقولوا دي خطيبتوا خلوها تمر لمن وصلت شفت المنظر احمد كان واقع في الارض والعربيه مهشمه تهشيم عيوني اتجهت ناحيتو ما قدرت اعاين غير الدم!!
صرخت صرخه وبعدها ما وعيت بالحاصل صحيت لقيت نفسي في المستشفى بقيت اكورك ما عارفه انا وين حسيت لي لحظه انو الحاصل دا كلو حلم ما حقيقه امي وندى جو داخلين سألتهم من احمد امي قالت لي اتصبري يابتي مشى لي الأرحم بيهو مننا بقيت اكورك فيها كيف تقول كدا احمد ما مات احمد وعدني انو نكمل عرسنا ونسافر السعوديه نعمل عمره مع بعض احمد ما مات كان بتكلم معاي😭😭 كان بقول لي لازم نتلاقى قولوا ليهو انا مستعده الاقيهو😭😭 بس مايزعل مني ويمشي يخليني بالطريقه دي😭😭 المره دي هظارو بايخ 😭😭 قولوا ليهو ما يهظر😭😭
جات الممرضه ادتني حقنه بعدها نمت طوالي ما عارفه كم من الوقت نمت بقيت ما بحس بالوقت لمن صحيت لقيت خالتو سعاد كانت بتبكي لمن شافتني جات ضمتني عليها وبقت تبكي وقتها بس عرفت انو انا مافي حلم💔 دي حقيقه احمد خلاص بقى ما موجود💔 تاني لمن اكون ماشه مشوار اطلب من منو ولا لمن احتاج زول يسندني ولا حتى لمن اكون زهجانه منو البفرق علي.. بكيت بكاء ما قدرت اسكت حسيت اني دايره ابكي بكيت قدرتي مرت يومين وانا قاعده في المستشفى انوم بالمنومات واصحى ابكي اليوم التالت طلعنا من المستشفى اصريت على خالتو سعاد توديني قبر احمد بس هي قالت لي ترتاحي حبه وانتي ياداب طالعه من المستشفى بس انا إصراري كان كبير مشيت القبر قعدت في الارض وبقيت ابكي ختيت يدي فوق القبر وقلت ليهو يا احمد ليه مشيت خليتني انت وعدتني وعود كتيره معقوله انت كزبت علي بكيت كتير جمب القبر ودعيت ليهو كتير حتى خالتو سعاد قعدت ودعت معاي قريب الساعتين نحن في مكانا دا لحدي ما خالتو سعاد قومتني قالت لي الله يرحمو يابتي ارح ، عاينت ليها في عيونا دي ما كانت خالتو سعاد الانا بعرفها عيونها مليانه حزن شديد على فراق احمد الولد الوحيد الطلعت بيهو من الدنيا قمت معاها ومشينا البيت إحساسي بي المسئوليه وإحساس انو انا كنت خطيبة احمد وحيد امو وابوهو حسيت انو لازم ابقى لي خالتو سعاد وعمو خالد في مقام بتهم بقيت كل يوم امشي لي خالتو سعاد واقعد معاها ومرات اشيل فطوري وامشي عليها حتى امي بقت تمشي معاي ومرات هي بتجينا..
لحدي ما جا اليوم المشئوم💔..